काठमाडौं, २६ मंसिर । स्थानीय समय अनुसार ९ तारिख चीनका राष्ट्राध्यक्ष सी चिनफिङले साउदी अरेबियाको राजधानी शहर रियादमा आयोजित पहिलो चीन–खाडी अरब राष्ट्र सहकार्य समितिको शिखर सम्मेलनमा भाग लिनुका साथै एक मुख्य सम्बोधन पनि गरेका छन् ।

यो शिखर सम्मेलनमा पहिलो पटक चीन र जी.सी.सीका नेताहरूले सँगसँगै सहकार्यको लागि वैचारिक आदान–प्रदान गरेका छन् । दुई पक्षले चीन–खाडी अरबको रणनीतिक साझेदारी सम्बन्धको स्थापना र सुदृढीकरण गर्ने निर्णय गरेको सो शिखर सम्मेलनको सबैभन्दा प्रतिष्ठित उपलब्धि हो भने चीन–खाडी अरब राष्ट्रहरूबीचको सहकार्यमा नयाँ प्रगति भएको देखिन्छ।

चीन र खाडी अरब राष्ट्रहरू कस्तो रणनीतिक साझेदार हुनुपर्छ भन्ने विषयबारे चीनका राष्ट्राध्यक्ष सी चिनफिङले चारवटा प्रस्ताव प्रस्तुत गरेका थिए । एकतालाई प्रवर्द्धन गर्ने साझेदार, साझा विकास खोज्ने साझेदार, साझा संरक्षणको निर्माण गर्ने साझेदार र सामुदायिक सभ्यताको प्रवर्द्धन गर्ने साझेदार यी चार वटा प्रस्तावले राजनीतिक आपसी विश्वासमा महत्व दिनुका साथै विकास र संरक्षणको विषयलाई जोड दिएको छ । भने, अझै मानव सभ्यताको प्रगतिमा योगदान दिने दृष्टिकोणबाट चीन–खाडी अरब राष्ट्र सम्बन्धको विकासलाई दिशा औंल्याएको देखिन्छ।

नयाँ ऐतिहासिक शुरूवात बिन्दुमा उभिएर ‘पुरानो र जीवन्त’ चीन–खाडी अरब सम्बन्ध अवश्य नै थप जीवन्तताका साथ विकसित हुने अपेक्षा गरिएको छ।